جیگیربوین نرخ تەڵا وە ئاستە مێژوویەگەی لە بازاڕەیل بەغداد و هەولێر
شەفەق نیوز/ نرخ تەڵای بیگانە و عراقی، ئمڕوو یەکشەممە، (٩ فبرایەر ٢٠٢٥) بەرزەوبوین مێژوویی توومارکرد لە بازاڕەیل بەغداد پایتەخت و هەولێر جیگیربوی.
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٦٠٥ هەزار دینار، و نرخ سەنینی رەسیە ٦٠١ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش جیگیربوین توومار کرد لەپای ٥٧٥ هەزار دینار، و نرخ سەنینی رەسیە ٥٧١ هەزار دینار.
لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار ٢١ ها ناوەین ٦٠٥ ـ ٦١٥ هەزار دینار، و نرخ فرووشتن یەک مسقاڵ تەڵای عراقی ها ناونی ٥٧٥ - ٥٨٥ هەزار دینار.
لە هەولێر پایتەخت هەرێم کوردستان نرخ فرووشتن یەک مسقاڵ تەڵای عەیار ٢٤ رەسیە ٦٨٥ هەزار دینار، و نرخ فرووشتن یەک مسقاڵ تەڵای عەیار ٢١ رەسیە ٦٠٠ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٥١٥ هەزار دینار.
