جیگربوین نرخ تەڵا لە بەغداد و هەولێر
شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد پایتەخت، و لە بازاڕەیل هەولێر پایتەخت هەرێم کوردستان، ئمڕوو شەممە ٢٦ تەشرین دویەم ٢٠٢٢ جیگر بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٦٢ هەزار دینار، و نرخ سەنینی رەسیە ٣٥٨ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی جیگربوین توومار کرد لەپای ٣٣٢ هەزار دینار، و نرخ سەنینی رەسیە هەزار ٣٢٨ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٦٠ هەزار دینار و ٣٧٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٣٠ هەزار دینار و ٣٤٠ هەزار دینار.
نرخ تەڵا لە هەولێر هەمیش جیگیربوین وەخوەی دی، ک نرخ فرووشتن یەک مسقاڵ تەڵای عەیار ٢٤ رەسیە ٤٢٠ هەزار دینار، و نرخ فرووشتن یەک مسقاڵ عەیار ٢١ رەسیە ٣٧٠ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣١٥ هەزار دینار.
