تویشهاتن نوو وە تەوخوینوەربوین ئەرا ژنیگ لە نینەوا
2026-08-29T11:27:40+00:00
شەفەق نیوز ـ نینەوا
سەرچەوەیگ لە تەندروسی نینەوا، ئمڕوو شەممە، توومارکردن تویشهاتن نوو وە تەوخوینوەربوین ژنیگ تەمەن 47 ساڵ راگەیان، کە دانیشتگ قەزای شێخانە لە باکووری پارێزگاگە.
سەرچەوەگە وە ئاژانس شەفەق نیوز وت، ژنە بیمارەگە لە 24ی ئاب/ئۆگوست ئمساڵ چگس ئەرا خەستەخانەی "ئیبن سینا" جویر حاڵەتیگ گوماناوی وە تەوخوینوەربوین، و نموونە خوین لەی وەرگیریا و ئەرا تاقیگەی تەندروسی گشتی ناوەندی لە پایتەخت بەغدا کلکریا، تا وشنینەیل هەوەجەکریاگ ئەنجام بدرێد.
وتیش؛ ئەنجامەیل وشکنین تاقیگە، ئمڕوو شەممە رەسین و پشتڕاس کریا ژنەگە تویشهاتیە وە تەوخوینوەربوین، دیاریکرد، ئەرا خەستەخانەی شەفا لە شار موسڵ کلکریاس، کە تایوەتە وە وەرگردن حاڵەتەیل توویشهاتن وە بیماری گواستراوەیل، ئەرا وەرگردن چارەسەر و چەودێری تەندروسی هەوەجەکریاگ.
