تەندروسی عراق: نزیکەی نیم تۊشهاتنەیل رووژانە وە ئاڵشتبۊی ئۆمیکرۆنە
2022-01-29T09:23:52+00:00
شەفەق نیوز/ سەیف بەدر قسەکەر وەزارەت تەندروسی عراق، ئمڕوو شەممە، وت: نزیکەی نیمەی تۊیشهاتنەیل رووژانە لە گشت ناوچە و شارەیل وڵاتەگە وە ئاڵشتبۊی ئۆمیکرۆنە.
بەدر لە پەخشیگ زنی لەبان تووڕ ئەنتەرنێت وت: نزیکەی یەک لە سێ تا نیمەی تۊشهاتنەیل عراق خوەی وە ئاڵشتبۊی ئۆمیکرۆنە، و هەمیش وەیجۊرە لە وڵاتەیل جەهان بوود.
و دووپات کرد ک واکسینەگە سەد لە سەد نواگیری پەتاگە نێکەێد، باوجی لەلی سووکەو کەێد ک خەفتن خەسەخانە نەخوازێد.
دەربارەی شەپۆل پەنجەم لە عراق، قسەکەرەگە وت: شایەت وڵاتەگە بکەفێدە وەر شەپۆل پەنجەم، چۊنکە ئی ڤایرۆسە توانای بڵاوبۊین زۊییگ دیرێد، و شەپۆل پەتا دروس بکەێد، باوجی لەوە گرنگتر ئەوەسە ک ئیمە هایمنە ئامادەاشی ئەرا نواگردنی.
