تەندروسی عراق لەباوەت دویاترین ئاڵشتبوی ڤایرۆس کۆڕۆنا تیەێدە دەنگ
رەبا فەلاح خانمە راگەیانکار لە وەزارەتەگە ئەرا ئاژانس شەفەق نیوز وت: هیمان ڤایرۆس کۆڕۆنا لە عراق هەس، باوجی وەچەو یەکەم ماوەگە داوەزین لە شمارەی تویشهاتنەیل هەس، و لە چەن رووژیگ مردن وەی ڤایرۆسە توومار نەکریمنە، و فرەی تویشهاتنەیل وە ئاڵشبوی (ئۆمیکرۆن) توومار کریا، و بەشیگ ئەنفلەوەنزای وەرزی بویە.
وتیش: عراق دویر لە ئاڵشتبویە نووەگەی ڤایرۆس کۆڕۆنا نییە، و هاتێ تویشهاتن وەپی توومار بکەیمن، ئەراوە بایەتە پابەند وە ریکارەیل مقەیتیکردن بویمن و واکسین بوەیمن، وەتایبەت لەی ماوە.
دیاری کرد ک ئاڵشتبوی نوو ڤایرۆس کۆڕۆنا (كراكن) لە ئۆمیکڕۆن هاتگە، و ئی ئاڵشتبوی نووە وەزوی بڵاو بوود، باوجی تا ئیسە وە خاوەن رخ بەرزیگ توومار نەکریاگە، و هیمان تۆێژینەوە لەبانی وەردەوامە دویای بڵاوبوینی لە بڕیگ لە دەوڵەتەیل ئەوروپا، و ئیمە لە وەزارەت تەندروسی عراق، لە ئاست ناوخوەیی و جەهانی وە شیوەی هویرد و خەسیگ چەودیاریی کەیمن.
لە هەفتەی گوزەشتە، ریخریاگ تەندروسی جەهانی لە بنچینەی نوو کۆڕۆنا (كراكن) هوشداری کرد چوینکە وەزویتر بڵاو بوود.
