تەندروسی عراق راگەنێد داوەزین رێژەی مردنەگان کۆڕۆنا ئەرا ٣ لەسەد
2020-08-29T07:25:00+00:00
شەفەق نیوز/ وەزارەت تەندروسی عراق، ئمڕوو شەممە، راگەیان هیچ چارەسەرییگ نیە ئەرا کەمەوکردن تووشهاتنەگان ڤایڕۆس کۆڕۆنا، تەنیا لە رەفتار راسی هاووڵاتیەگان وەگەردیا، و دووپاتکرد لە گرنگی پابەندییان وە ریکارە مقەیەتیەگان.
ریاز عەبدولئەمیر حلفی وەڕێوبەر تەندروسی گشتی لە وەزارەتەگە لە قسەیگ ئەرا میدیا حکومەتیەگان وت: وەزارەتەگە فرە لە توانای ئاشکراکردن و چارەسەری تووشهاتنە فرەگان کرد، وئاماژەدا ک چارەسەری گونجیایەگە ئەرا شکست هاوردن وە ڤایڕۆسەگە هاوەدەس هاووڵاتیەگە وە پابەندی وە شیوەیل مقەیەتی، و گرنگتریان لەماڵ دەرنەچگن مەگەر ئەرا کار فرە گرنگیگ وەگەرد وەکارهاوردن دەمامەک و دەسشووردن وەردەوامی و دویرەکەفتن لە قەڕەباڵغ، و ئی بنەمایل گرنگە ک وەداخەو هاووڵاتی پابەندیی نێوود، و نەیش دەوڵەتەگە توانای چەسپانن یاسا وەزوور وەگەرد هاووڵاتیەگان دیرێد، وسزادان پێشێلکارەیل، ودیاریکرد ک بەرزەوبوین تووشهاتنەگان لەی ماوەی کەم دویاییە بەڵگەیگە لە وەهێزی وزوینەی بڵاوبوینی.
حلفی وتیش: سیستم تەندروسی لە وەزارەتەگە خاسە، و هەرچەنی ژمارەی تووشهاتنەگان بەرزەوبوی، وەرانوەری رێژەی خاسەوبوینەگان بەرزەوبوود، وهەمیش رێژەی مردنەگان ئەرا ٣ لەسەد داوەزیا، و دووپاتکرد ک شکست هاوردن وە ڤایڕۆسەگە تەنیا وە واکسین بوود، یا وەردەوامبوین تا رەسیمنە وەرگری کۆمەڵی، واتە تووشهاتن گشتی، وئەویش کار فرە سەختیگە، چوونکە ڤایڕۆسەگە جاری نووە، وزانا و توێژینەوەکارەگان نێتوێنن بڕەسنە واکسینیگ ئەرا ماوەی دریژیگ، وتیش؛ وڵاتەگە ئەوەسا پەلامار نوویگ لە ڤایڕۆسەگە وەخوەی دوینێد لە ماوەی ئاڵشتبوینە وەرزیەگە وە هاتن وەرز پایز و زمسان، ک هیلێد ژمارەی تووشهاتنەگان زیایەو بوود لەوەر فلاوەنزای پایز ک هاووەختە وەگەرد شەپۆلە نووەگەی پەتاگە.
حلفی هەمیش وت: تووشهاتگەیل کۆڕۆنا، ئەرا ماوەیگ وەرگری لە تووشهاتن وە ڤایڕۆسەگە وەرگرن، وەلی دووارە تووشتیەن نەگ چوونکە وەرگریەگە لەدەس بەن، بەڵکم ڤایڕۆسەگە شیوە و رەفتار خوەی ئاڵشت کەێد، وسیستم وەرگریەگە نیناسێدەی، ودیاری کرد ک ڤایڕۆس فلاوەنزای پایز شایەت نەڕەسێدە ئامێرە بانینەی هەناسەگە.
وتیش؛ وەزارەت تەندروسی و فرەی دەوڵەتەیل جهان ساڵانە بایەسە نموونە لە فلاوەنزا وەرزیەگان رەوانە بەکن ئەرا رێکخراو تەندروسی جهانی، و ئەویش رەوانەی کەێدە کۆمپانیای دروسکەر واکسینەگە، ئەرا ئاڵشتکردنی وەگورەی ئاڵشتبویەگان لە شیوەی ڤایڕۆسەگە لە ماوەیگ تا ماوەیگ، ک واکسینەگە هەمیش وەرزانەیە نەگ هەمیشەیی، وساڵ وەساڵ ئاڵشتەو بوود.
ریاز عەبدولئەمیر حلفی وەڕێوبەر تەندروسی گشتی لە وەزارەتەگە لە قسەیگ ئەرا میدیا حکومەتیەگان وت: وەزارەتەگە فرە لە توانای ئاشکراکردن و چارەسەری تووشهاتنە فرەگان کرد، وئاماژەدا ک چارەسەری گونجیایەگە ئەرا شکست هاوردن وە ڤایڕۆسەگە هاوەدەس هاووڵاتیەگە وە پابەندی وە شیوەیل مقەیەتی، و گرنگتریان لەماڵ دەرنەچگن مەگەر ئەرا کار فرە گرنگیگ وەگەرد وەکارهاوردن دەمامەک و دەسشووردن وەردەوامی و دویرەکەفتن لە قەڕەباڵغ، و ئی بنەمایل گرنگە ک وەداخەو هاووڵاتی پابەندیی نێوود، و نەیش دەوڵەتەگە توانای چەسپانن یاسا وەزوور وەگەرد هاووڵاتیەگان دیرێد، وسزادان پێشێلکارەیل، ودیاریکرد ک بەرزەوبوین تووشهاتنەگان لەی ماوەی کەم دویاییە بەڵگەیگە لە وەهێزی وزوینەی بڵاوبوینی.
حلفی وتیش: سیستم تەندروسی لە وەزارەتەگە خاسە، و هەرچەنی ژمارەی تووشهاتنەگان بەرزەوبوی، وەرانوەری رێژەی خاسەوبوینەگان بەرزەوبوود، وهەمیش رێژەی مردنەگان ئەرا ٣ لەسەد داوەزیا، و دووپاتکرد ک شکست هاوردن وە ڤایڕۆسەگە تەنیا وە واکسین بوود، یا وەردەوامبوین تا رەسیمنە وەرگری کۆمەڵی، واتە تووشهاتن گشتی، وئەویش کار فرە سەختیگە، چوونکە ڤایڕۆسەگە جاری نووە، وزانا و توێژینەوەکارەگان نێتوێنن بڕەسنە واکسینیگ ئەرا ماوەی دریژیگ، وتیش؛ وڵاتەگە ئەوەسا پەلامار نوویگ لە ڤایڕۆسەگە وەخوەی دوینێد لە ماوەی ئاڵشتبوینە وەرزیەگە وە هاتن وەرز پایز و زمسان، ک هیلێد ژمارەی تووشهاتنەگان زیایەو بوود لەوەر فلاوەنزای پایز ک هاووەختە وەگەرد شەپۆلە نووەگەی پەتاگە.
حلفی هەمیش وت: تووشهاتگەیل کۆڕۆنا، ئەرا ماوەیگ وەرگری لە تووشهاتن وە ڤایڕۆسەگە وەرگرن، وەلی دووارە تووشتیەن نەگ چوونکە وەرگریەگە لەدەس بەن، بەڵکم ڤایڕۆسەگە شیوە و رەفتار خوەی ئاڵشت کەێد، وسیستم وەرگریەگە نیناسێدەی، ودیاری کرد ک ڤایڕۆس فلاوەنزای پایز شایەت نەڕەسێدە ئامێرە بانینەی هەناسەگە.
وتیش؛ وەزارەت تەندروسی و فرەی دەوڵەتەیل جهان ساڵانە بایەسە نموونە لە فلاوەنزا وەرزیەگان رەوانە بەکن ئەرا رێکخراو تەندروسی جهانی، و ئەویش رەوانەی کەێدە کۆمپانیای دروسکەر واکسینەگە، ئەرا ئاڵشتکردنی وەگورەی ئاڵشتبویەگان لە شیوەی ڤایڕۆسەگە لە ماوەیگ تا ماوەیگ، ک واکسینەگە هەمیش وەرزانەیە نەگ هەمیشەیی، وساڵ وەساڵ ئاڵشتەو بوود.
