تەندروسی عراق دەرچگن فرەی زەخمدارەیل ناڕەزاییەگە لە خەسەخانە راگەینێد

شەفەق نیوز/ وەزارەت تەندروسی عراق، ئمڕوو یەکشەممە، راگەیان فرەی ئەو زەخمدادەیلە ک لە مەوقەی وەناوچگن ناوچەی خەزرا لەناوڕاس بەغداد زەخمدار بوین، دویای وەرگردن چارەسەری لە خەسەخانە دەرچگن.  

سەیف بەدر قسەکەر وەزارەتەگە لە بەیاننامیگ رەسیە ئاژانس شەفەق نیوز وت: تەنیا ٦ زەخمدار لە دامەزراوەیل وەزارەت تەندروسی لە بەغداد مەننە.  

وتیش: ئیرنگە ئی زەخمدارەیلە چەودیریکردن پزشکی وەرگرن وەگەرد دووپاتکردن لە وەردەوامی دامەزراوەیل وەزارەتەگە لە پیشکەشکردن خزمەتیان ئەرا هاووڵاتییەیل.      

دویەکە شەممە، وەزارەت تەندروسی زەخمداری ١٢٥ کەس لە ناڕەزایەیل لە لایەنگرەیل رەوت سەدر و هیزە ئەمنیەیلە راگەیان، لەناو ئەو ناڕەزاییە لەنزیک ناوچەی خەزرا ناوڕاس بەغداد پایتەخت.