تەندروسی عراق بار نوویگ لە واکسین فایزەر وەرگرێد
2022-02-06T14:40:22+00:00
شەفەق نیوز/ وەزارەت تەندروسی عراق، ئمڕوو یەکشەممە، راگەیان رەسین بار نوویگ لە واکسین فایزەر دژوە ڤایرۆس کۆرۆنا.
وەزارەتەگە لە بەیاننامەیگ رەسیە ئاژانس شەفەق نیوز وت " شەوەکی ئمڕوو لە فڕۆكەخانەی ناودەوڵەتی بەغداد، یەک مەلیۆن و ٦ هەزار و ٢٠٠ تاقەبەش واکسین فایزەر وەرگرد، وە ئامادەبۊن تیم چەودێری ٢ هەڵسەنگاندن لە یەکێتی ناودەوڵەتی سەلیب سوور و مانگ سوور.
و دیاری کرد ک واکسینەیلە بەشەو کریانە ناو ئەو یەخچاڵەیل تایبەتە ئەرا واکسین بردن، ک گشتیان وەیەک مەوقە وەرەو گشت پارێزگایل وڵاتەگە و هەرێم کوردستان کەفتنە ری.
