گیچەڵیگ تەکنیکی پویلدان ئەلکترۆنی لە وێستگەیل سزەمەني حکومەتی لە عراق پەکخێد
شەفەق نیوز ـ بەغدا
ئمڕوو یەکشەممە، خزمەتگوزاریەیل پویلدان ئەلکترۆنی لەڕی سیستەم "کی کارد" لە گشت وێستگەیل سزەمەنی حکومەتی عراقی وسیا، لەوەر گیچەڵیگ کێشەیگ تەکنیکی کە کەفتە ناو کۆمپانیای وەڕێوەبەر سیستەمەگە، کە بویە مدوو پەککەفتن کارەیل پویلداین و شیوانن جویلەی سەردانکەرەیل لە شمارەیگ لە پارێزگایەیل.
سەرچەوەیگ حکومەتی، ئەرا ئاژانس شەفەق نیوز وت، خزمەتگوزاریەیل پویلدان ئەلکترۆنی لە ساعەتەیل شەوەکی لە گشت وێستگەیل سزتەمەنی حکومەتی وسیاگە، لە ئەنجام پەککەفتن سیستەمە ئەلکترۆنیەگەی کە وێستگەیل بەستێدەو وە کۆمپانیای "کی کارد"، بویە نواگیری لە تەواوکردن کارەیل پویلدان ئەرا هاووڵاتیەیل.
دیاریکرد، لایەنەیل تەکنیکی تایبەتمەن وەدویاچگن ئەرا خاسکردن گیچەڵەگە کەن وە هەماهەنگی وەگەرد کۆمپانیای وەڕێوەبەر، ئەرا گلەودان خزمەتگوزاریەگە ئەرا باری سروشتی خوەی لە خێراترین وەخت، باس لەوەشکرد وسانیانەگە وەختانەس و گشت وێستگەیل حکومەتی بەستیاگ وە سیستەمە ئەلکترۆنیەگە گرێدەو.
