گیچەڵیگ تەکنیکی بەشەوکردن پویل ئەلکترۆنی لە عراق وسان
شەفەق نیوز - بەغدا
سەرچەوەیگ حکومی، ئیوارەی ئمڕوو چوارشەممە، راگەیان گشت دەروانەیل پویلداین ئەلکترۆنی پویل لە گشت پارێزگایەیل عراق وسیان، وەی مدووە پرۆسەی بەشکردن مووچەی فەرمانبەرەیل، خانەنشینەیل و سوودمەنەیل تووڕەیل چەودێری کۆمەڵایەتی لە ری دەروەچەیل بەشەوکردن پەککەفت.
سەرچەوەگە لە لێدوانیگ وە ئاژانس شەفەق نیوز وت: "گیچەڵیگ تەنکیکی لەناوکاو روی لە سیستەم پویلداین ئەلکترۆنی کردیە، یەیش بویە مدوو ئەوەگ گشت دەروەچەیل لە جیوەجیکردن پرۆسەی کیشانن و خەرجکردن لە پارێزگایەیل بوسێد، یەیش هاوکاتە وەرد وەردەوامبوین پرۆسەی بەشەوکردن مووچەی فەرمانبەرەیل".
وتیش؛ ""تیمە تەکنیکییە تایبەتمەنەیل دەسکردنە وە کارکردن ئەرا دەسنیشانکردن گیچەڵەگە و گلەوداین خزمەتگوزاریەیل وە زویترین وەخ پوڕیاگ" وەبی ئەوەگ هووگار گیچەڵەگە وە شیوەی تەواو دیاری بکەێد.
تا وەخت نویسین خەوەرەگە لایەنە فەرمیەیل یا کۆمپانیایەیل پویلداین ئەلکترۆنی بەیاننامە دەرنەکردن لە مدوو گیچەڵەگە یا ماوەی گەی دیاریبکەن.
