تەقینەوە لە دیوانیە و خوەیکوشتن و رویداو هاتوچو لە بابل
2022-05-06T07:16:03+00:00
شەفەق نیوز/ دو سەرچەوەی ئەمنی، ئمڕوو جومعە، خەوەردان لە دو رویداو ئەمنی، لە تەقینەوەیگ لە پارێزگای دیوانیە و پەیاکردن تەرم دویتیگ، وەگەرد مردن و زەخمداری 13 کەس لە پارێزگای بابل.
یەکیگ لە سەرچەوەیل وە ئاژانس شەفەق نیوز خەوەردا، " بومبیگ دەسی لە نزیگ بازگەی عفەک تەقیە لە پارێزگای دیوانییە، کەسە هەڵگرەگە کوشتیە و بومبیگتر لە داوانی پەیاکریاگە.
سەرچەوەیگتر ئەرا ئاژانسەگە باسکرد، " دویەت 18 ساڵانیگ، خوەی کوشتیە وە هەڵواسین خوەی لەناو ماڵ لە ناحیەی ئسکەندەریە لە باشوور حلە، دەزگای تایوەت لێکۆڵینەوە لە رویداوەگە وازکردنە، تائیسە هوکار خوەیکوشتنەگە نادیارە".
لە رویداویگتر، سێ کەس گیان لە دەسدان و 10 کەس زەخمداربوی وە قەڵبەوبوین ماشینیگ لە رێ پارێزگای بابل کەربەلا، لەئەنجام لەدەسدان کۆنترۆل وەلایەن رانندەگە.
