تەقینەوەیگ لەبان تیمەیل ئەندازیاری وەزارەت کارەبا لە کەرکوک
2021-06-26T08:19:54+00:00
شەفەق نیوز/ وەزارەت کارەبا، ئمڕوو شەممە، راگەیان تیمەیلی لە مەوقەی خاسەوکردن تاوەریگ کەفتنە وەر تەقینەوەی بومبیگ دانریاگ لە پارێزگای کەرکوک.
وەزارەتەگە لە بەیاننامەیگ رەسیە ئاژانس شەفەق نیوز وت: تیمەیل ئەندازیاری لە خاسەوکردن تاوەرە رمیایەیل لەبان ری شەهید عەبدولڵای کۆن لە باکوور سامەڕا – دۆر لە پارێزگای کەرکوک، کەفتنە وەر پەلاماریگ راستەخۆ وە تەقانن بومبیگ دانریاگ و بومبیگ تر ک نەتەقیەو، ئەوەیش لە نزیک ئاوایەیل کارتە و عەوادیە لە ناحیەی رەشاد سەروە پارێزگای کەرکوک.
وتیش؛ تەقینەوەگە زەرەدەیل گەورەیگ رەسانە ئامێرەیلە وپەک کرێن داناین تاوەرەیلە خست.
