تەقینەوەیگ لەبان کاروانیگ سەروە هاوپەیمانی لە باشوور عراق
2021-05-23T07:02:11+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە تەقینەوەی بومبیگ دانریاگ لەبان کاروانیگ پاڵپشتی لۆجستی سەروە هاوپەیمان ناودەوڵەتی لە باشوور عراق.
سەرچەوەگە ئەرا ئاژانس شەفەق نیوز وت: بومبیگ لە کنار ریەگە لە شار سەماوە ناوە پارێزگای موسەنا دانریاگ، شەوەکی ئمڕوو لەمەوقەی رەدبوین کاروانەگە تەقیەو.
سەرچەوەگە وتیش تەقینەوەگە نەویە هووکار هیچ زەرەدەیلیگ یا زەخمداربوینیگ، و کاروانەگە لەڕیەگەی خوەی وەردەوام بوی.
