تەقینەوەیگ دژوە پاڵپشتییگ لۆجستی ئەرا هاوپەیمان ناودەوڵەتی لە بابل
2020-12-27T11:21:54+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا ک رەتلیگ لە هاوپەیمان ناودەوڵەتی کەفتە وەر پەلاماریگ وە بومبیگ دروسکریاگ لە پارێزگای بابل، لە سیمایگ دووارەوبوی لە ئامانجکردن هێزە بیگانەگان لە عراق، لەوەخت کوشتن قاسم سولەیمانی و ئەبو مەهدی موهەندس.
سەرچەوەگە خەوەردا ئاژانس شەفەق نیوز ک بومبیگ دروسکریاگ تەقیە بان رەتلیگ پاڵپشتی لۆجستی سەروە هاوپەیمان ناودەوڵەتی دژوە ریخریاگ داعش وەسەرپەرشتی ئەمریکا، لەبان ری ناودەوڵەتی لە بابل، وەبی باسکردن لە ووردەکاریەگان.
