تەقەکردن وەگەرد بازرگانەیل هوشبەری لە باشوور عراق
2023-01-12T11:20:07+00:00
شەفەق نیوز/ سەرچەوەیگ ئەمنی لە موسەنا، ئمڕوو پەنجشەممە، خەوەردا لە تەقەکردن فرەیگ لەناوبەین هیزەیل ئەمنی و بازرگانەیل هوشبەری لە ناحیەیگ لە پارێزگاگە.
سەرچەوەگە ئەرا ئاژانس شەفەق نیوز وت: تەقەکردن و رویوەڕویبوین تونیگ لە ناوچەی بو زوێد روی دا، ک بویەسە شوین بازرگانەیل هوشبەری لە شار سەماوە ناوەند پارێزگای موسەنا.
سەرچەوەگە دیاری کرد ک یەکیگ لە بازرگانەیل ناودیار لەناو ماڵەگەی لەناو ئەو تەقەکردنە خوەی قایم کردیە، و دووپات کرد ک تا ئیسە هویچ زەخمدارییگ لە هەردوگ لایەنەگە توومار نەکریاگە.
