تەقەکردن و تەقینەوە لە باشوور عراق قوربانی لەلی کەفێدەو
2023-10-14T07:29:03+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان کەسیگ و زەخمداری سێ کەستر لە ئەنجام پەلاماریگ چەکداری لە میسان باشوور عراق.
سەرچەوەگە وە ئاژانس شەفەق نیوز وت، چەکدارەیل نەناسریایگ، پەلامار کەسەیلیگ دەن لەناوچەی چوارساید ناوچەی میسان لەئەنجام کەسیگ کوشیەد و سێ کەسیش تویش زەخمداری جیاوازیگ بوود، ئاشکەرایکرد وەپای زانیاری سەرەتایەیل رویداوەگە لەئەنجام مەرافیگ دروسبویە.
هەمیش لە زیقار باشوور عراق، سەرچەوەیگ ئەمنی لە پارێزگاگە ئمڕوو شەممە، خەوەردا زەخمداریبوین دوو کەس وە رویداو هاتوچوی لە باشوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز وت، " مەرافەگە لەئەنجام وەردەورد وەرینیگ دروسبویە لەناوەین هەردگ لا لەناوچەی کویچەی عەسکەری لە قەزای سوق شیوخ، وەی مدووە بۆمبیگ دەسی تەقاننە کە وە یەکیگیان بویە، بویە هووکار زەخمداربوین سەختیگیان.
سەرچەوەگە وتیش، " هێزەیل ئەمنی ئاخڵەی شوین رویداوەگە دان و ئەرا چارەسەرکردن زەخمدارەیلە ئەرا خەسخانە کلکردن".
