بویچەڵکردن پیلانیگ ئەرا کوشتن ئەندامە ئەمنیەکان لە کەرکوک
2021-04-06T09:27:05+00:00
شەفەق نیوز/ ئاژانس هەواڵگری و لێکۆڵینەوە فیدڕاڵیەکان لە وەزارەت ناوخۆ، ئمڕوو سێشەممە، راگەیان پویچەڵکردن پیلانیگ ئەرا کوشتن ئەندامەیل هێزە ئەمنیەکان.
هەواڵگری فیدڕالی لە بەیاننامەیگ رەسیە ئاژانس شەفەق نیوز وت: مەفرەزەیلی توێنستن دوو داواکریاگ وەگورەی مادەی ٤ تیرۆر لەوەر لایەنگرییان ئەرا چەتەیل داعش دەسگیر بکەن.
بەیاننامەگە وتیش؛ توومەتبارەیل لەناو لێکۆڵینەوە سەرەتایبەکان ئاشکرای لایەنگرییان ئەرا ئەو چەتەیل تاوانکاریە لە ساڵ ٢٠٢٠ لەڕی یەکیگ لە سەرکردەیل داعش کردن، و ئیجا ئەرکداریان وە چەودیریکردن بەشیگ لە ئەندامەیل حەشد شەعبی و دەزگا ئەمنیەکان کریا، ئەرا کوشتن و لەناوبردنیان.
بەیاننامەگە وتیش؛ توومەتبارەیل ئاشکرای هاوردن گەنجە ناخاڵەیل لە کەرکوک ئەرا ناو رێکخستن خوەیان کردن.
و ئاماژە کرد ک قسەیل سەرەتایی تاوانبارەیل واژوو کريان، و دادوەر بڕیار ریکارە یاساییەکان وە دژیان دەرکرد.
