برای مۆسیقار نەسیر شەممەس.. کوشیان وەڕیەوبەر بەرهەمهاوردن واست وە رویداویگ هاتوچو
2022-09-26T15:38:08+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان نەبیل شەممە، وەڕیەوبەر دەسەی بەرهەمهاوردن واست، وە رویداویگ هاتوچو لە پارێزگاگە.
سەرچەوەگە ئەرا ئاژانس شەفەق نیوز وت: رویداوەگە لەبان ری کووت – حەی بوی، وتیش: بڕیا یەکیگ لە خەسەخانەیل پارێزگاگە ئەرا تەواوکردن ریکارەیل یاسایی.
جی باسە ک نەبیل شەممە برای نەسیر شەممە مۆسیقار عراقی ناودیار کورد فەیلیە.
