باڵيۆزخانه‌ى ئه‌مريكا له‌باره‌ى په‌لامار"لايه‌نگره‌يل ئيران" له‌ عراق ئاشكراكردنيگ دا

باڵيۆزخانه‌ى ئه‌مريكا له‌باره‌ى په‌لامار"لايه‌نگره‌يل ئيران" له‌ عراق ئاشكراكردنيگ دا
2019-12-14T11:45:58+00:00

شه‌فه‌ق نيوز/ باڵيۆزخانه‌ى ئه‌مريكا له‌ به‌غدا، به‌ياننامه‌يگ له‌باره‌ى په‌لاماره‌يل ده‌ركرد و له‌تى وت "لايه‌نگره‌يل ئيران" له‌ عراق ئه‌نجامى ئه‌يه‌ن.

 

باڵيۆزخانه‌گه‌ له‌ به‌ياننامه‌گه‌ى وت: له‌ى دوياخره‌ لايه‌نگره‌يل ئيران چه‌ن په‌لاماريگ دژ بنگه‌يليگ ئه‌نجام دانه‌ ك هيزه‌يل ئاسايش عراقى شان وه‌شان كه‌سه‌يل و هيزه‌يل ئه‌مريكى و هاوپه‌يمان ناوده‌وڵه‌تى له‌تيان وجوود ديرێد.

 

باڵيۆزخانه‌گه‌ وت: له‌ 9 كانون يه‌كه‌م، لايه‌نگره‌يل ئيران په‌لاماريگ مووشه‌كى ئه‌را بان دامه‌زرياگيگ عراقى له‌ كۆمه‌ڵگه‌ى ته‌ياره‌خانه‌ى ناوده‌وڵه‌تى به‌غدا ئه‌نجام دانه‌و په‌نج سه‌رباز عراقى له‌تى زه‌خمدار بوينه‌و دووان له‌ليان حاڵه‌تيان مه‌ترسيدار بويه‌و له‌ دوياى ئه‌وه‌يش په‌لاماريگ تر له‌ 11ى كانون يه‌كه‌م ئه‌را بان ته‌ياره‌خانه‌گه‌ ئه‌نجام درياگه‌.

 

جى باسه‌، باڵيۆزخانه‌ى ئه‌مريكا له‌ عراق هه‌ميش وت: بايه‌سه‌ له‌بان ئيران حورمه‌ت له‌ سه‌روه‌رى هاوساى بگرێد و يه‌كسه‌ره‌ پيشكه‌شكردن ده‌سميه‌ت و پشتگيرى ئه‌را لايه‌ن سێيه‌م له‌ عراق و سه‌رجه‌م ناوچه‌گه‌ بووسنێد.

Shafaq Live
Shafaq Live