بارەگای کەناڵیگ ئاسمانی عراقی کەفێدە وەر گولەی هاوەن
2022-08-30T08:30:04+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا ک کەناڵ ئاسمانی دیجلە، کەفتە وەر زەرەدەیلیگ دارایی لەوەر کەفتن گولەیگ هاوەن وەبان بارەگاگەی لەناوڕاس بەغداد.
سەرچەوەگە ئەرا ئاژانس شەفەق نیوز وت: زەرەدەیلیگ دارایی رەسیە بارەگای کەناڵ دیجلە، ک جەمال کەربولی سیاسەتمەدار خاوەنیە، ئەوەی کەوەر کەفتن گولەیگ هاوەن وەبانی، شەفەق ئمڕوو، وەبی زەرەدەیلیگ گیانی.
ئمڕوو سێشەممە، شانەی راگەیانن ئەمنی، راگەیان ک ناوچەی خەزرا کەفتە وەر چوار مووشەک، زەرەدەیلیگ وە کۆمەڵگەیگ نیشتەجیبوین رەسانیە.
