بەغداد...کوشیان کەسیگ وە چەک براگەی و دەسگیرکردن فەرمانبەریگ ماشین دزیە
سەرچەوەگە وە ئاژانس شەفەق نیوز وت "گیچەڵیگ خێزانی لە ناوەین دوو برا دروس بویە کە یەکیگیان فەرمانبەرە لەوەزارەت پیشەسازی لە کویچەی ئەمین خوەرهەڵات بەغدا، رەسیەس ئەرا ئەوەگ فەرمانبەرەگە چەک کلاشینکۆف وەکاربارێد و تەقە لە براگەی بکەێد و دەسوەجی کوشتیەسێ".
دیاریکرد "بکوشەگە دەسوەجی ئەرا شوین نادیاریگ وایە، هێزەیل ئەمنیتەرم قوربانیەگە ئەرا پزیشک دادوەری کلکردنە ئەرا تەواوکردن رێکارەیل یاسایی، و لێکۆڵینەوە لە رویداوەگە وازکردنە".
لە لایگیش، هیزەیل ئەمنی چوارکەس دەسگیرکردنە کە لە داڵگبوی ساڵەیل 2001 و2002 کە 8 کیسە و 10 گرام مادەی هووشبەر کریستال وەپیان بویە لە لای کەرخ بەغدا.
سەرچەوەگە وتیش، کۆڵەی قایمیگ دانریایە لە ناوچەی بەیاع فەرمانبەریگ لە وەزارەت تەندروسی دەسگیرکریایە وە توومەتبارە وەپای مادەی 446 لە یاسای سزادان ئەرا دزین ماشینیگ لە جویر "کیا".
