بەغداد نرخ نەفت چەرمگ لەبان خەڵک هەرێم کوردستان گرانەو کەێد
شەفەق نیوز/ فراکسیۆن یەکێتی نیشتمانی کوردستان لە ئەنجومەن نوینەرەیل عراق، ئمڕوو دووشەممە، ئاشکاری زانیاریەیل گرنگیگ لەباوەت ئەو نەفت چەرمگە کرد ک ئەوەسا بەغداد ئەرا هەرێم کوردستان کلی کەێد.
کاروان یاروەیس بڕیاردەر فراکسیۆنەگە لە بەیاننامەیگ رەسیە ئاژانس شەفەق نیوز وت: وەزارەت نەفت فیدراڵی ئاگادار نوینەرایەتی حکومەت هەرێم کوردستان لە بەغداد کرد ک ئەوەسا یەک لەتر نەفت چەرمگ وە نرخ ٧٥٠ دینار فرووشێدە هەرێم کوردستان، ک بەرمیلەگە ٢٠٠ لەتر گرێد، واتە نرخ بەرمیلەگە رەسێدە زیاتر لە ١٥٠ هەزار دینار.
دیاری کرد ک ئی نرخ بازرگانیە باریگ لەبان هاووڵاتییەیل هەرێم کوردستان نەێد، و ئەوەسا گشت تەقەلایگ لە پەرلەمان عراق دەیمن ئەرا فرووشتن نەفت چەرمگ ئەرا خەڵک هەرێم کوردستان جویر ئەو پارێزگایل عراق و وەهەمان شیوە.
حکومەت هەرێم کوردستان، دەسکردە بەشەوکردن نەفت چەرمگ ئەرا خەڵکەگە وە نرخ ١٠٣ هەزار دینار ئەرا یەک بەرمیل، لە ئامادەکاری ئەرا وەرز زمسان.
