بەغدا و زیقار.. کوشیان دویەتیگ و تەقەلای خوەکوشتن و مەرافەی هوزانە
شەفەق نیوز ـ بەغدا/ زیقار
سەرچەوەیگ ئەمنی، ئمڕوو یەکشەممە، خەوەر دا لە کوشیاین دویەتیگ و زەخمداربۊن ژنیگ، لە وەختیگ ئەندامیگ ئەمنی لە ماوەی ئەنجامدان ئەرک خوەی لە بەغدای پایتەخت عراق گیان لەدەس دا.
سەرچەوەگە ئەرا ئاژانس شەفەق نیوز وت: دویەتیگ لەداڵگبوی ساڵ 2009 لە ئەنجام تەقەکردن لە خوەی لە وەخت بازیکردن وە چەک باوگی کە سەر وە وەزارەت ناوخۆیە لە ناو ماڵ خوەیان لە شار سەدر لە بەغدا کوشیا، و دیاری کرد باوگی دەسوەسەرکریا جویر رێکاریگ یاسایی.
دیاریکرد، ژنیگ لەداڵگبوی ساڵ 1999 تەقەلای خوەیکوشتن دا وەخواردن بڕیگ لە دەرمان لە ناو ماڵ خوەی لە ناوچەی زەیونە، و دیاری کرد، ئەرا یەکیگ لە خەسەخانەیل کلکریا، و ئاست تەندروسی رخداری وەجی نەهیشتییە.
لە رویداویگ ترەک، سەرچەوەگە دیاری کرد ئەندامیگ سەر وە پاراستن دامودەزگایەل لەدویای تووشهاتن وە گیچەڵ تەندروستی لە ماوەی ئەنجامدان ئەرک خوەی لە فەرمانگەی ئاو و ئاوەڕۆ رەسافە لە ناوچەی حەبیبیە گیان لەدەس داد، و ئاشکراکرد کەسوکاری داوای داد لە هویچ کەسیگ نەکردن.
لە پارێزگای زیقار، گەنجیگ تەمەن 25 ساڵ تەقەلای خوەیکوشتن دا وە خنکیان وە پەت لەبان ماڵ خوەیان لە ناوچەی گەڕەک سەربازی لە قەزای سوق ئەلشیووخ لە باشوور پارێزگاگە.
سەرچەوەیگ ئەمنی ئەرا ئاژانس شەفەق نیوز ئاشکرایکرد هوکارەیل خوەیکوشتنەگە چوود ئەرا هووکار دەروینی، و کەسوکاری داوای داد نەکردن.
دیاریکرد مەراف چەکداری لە ناوەین دوو لایەن لە قەزای غەڕاف لە باکوور زیقار، لەبان گیجەڵەیل گوزەشتە، بۊە مدوو زەخمداربۊن دوو کەس کە ئەرا وەرگردن چارەسەر کلکریانە خەسەخانە.
وەپای سەرچەوەگە، هێزەیل ئەمنی توەنستن دەسوەسەر دوو لایەن دەمەقالیەگە بکەن، کە یەکیگیان جویر ماموستا لە وەزارەت پەروەردە کار کەێد.
