بەسرە ها وەردەم.. ٨ شار عراق لەناو گەرمترین ناوچەیل جەهان
ویستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کرد کە لە ماوەی ٢٤ ساعەت گوزەشتە بەرزترین پلەی گەرمی لە جەهان توومار کردنە.
لەو خشتە دەرکەفتیە کە ناوچەی ئەهواز لە ئیران بەرزترین پلەی گەرمی لە جەهان توومار کردیە کە رەسیەسە ٥٠.٢ پلەی سیلیزی و لە دویای ئەویش “گەڕەگ ئەلحوسێن” لە پارێزگای بەسرە وە ٥٠ پلەی سیلیزی، و لە پلەی سێیەمیش فڕۆکەخانەی ناودەوڵەتی بەسرە وە ٤٩.٧ پلەی سیلیزی.
فڕۆکەخانەی ناودەوڵەتی کوەیت لە کوەیت هاتە پلەی چوارەم وە 49.7 پلەی سەدی، هەرلیوا ناوچەی عەبادان لە ئیران وە 49.6 پلەی سیلیزی کەفتە پلەی پەنجەم، و ناوچەی "عمادیە"ی ئیرانی وە 49.3 پلەی سەدی کەفتە پلەی شەشەم.
لە پلەی هەفتەم شار عەمارە، ناوەند پارێزگاری میسان لە عراق، وە پلەی گەرمی 49 پلە، ئیجا قەزای فاو لە بەسرە، لە پلەی هەشتەم وە 49 پلە، و ناحیەی عەلی غەربی لە پارێزگای میسان عراق، لە پلەی نۆهوم، وە 48.5 پلە، ئیجا قەزای بەدرە لە پارێزگای واست لە عراق، لە پلەی دەهەم وە 48.5 پلەی سیلیزی.
ناوچەی ئەلئەحسا لە سعودیە لە پلەی 11 هات وە 48.3 پلەی سەدی، پارێزگای نەجەف عراق وە 48.2 پلەی سەدی لە پلەی 12، و فڕۆکەخانەی ناودەوڵەتی شاە فەهد لە سعودیە پلەی 13 بویە بەشی وە 48.1 پلەی سەدی، قەزای خانەقین لە پارێزگای دیالەی عراق کەفتە پلەی 14 وە پلەی گەرما ٤٨ پلەی سیلیزی، وئیجا شار “الواد” لە جەزائیر لە دویاترین پلە، وە پلەی گەرما ٤٧.٩ پلەی سەدییە.
ئاژانس شفەق نیوز لیست گەرمترین ناوچەیل جەهان بڵاو کەێد:
