بەسرە.. خوەیکوشتن دوێەتیگ و زەخمداربوین کەسیگ و سزانن سێ ماشین
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداربوین کەسیگ لە مرافەیگ، وسزانن سێ ماشین وە شۆرتیگ کارەبایی، و خوەیکوشتن دوێەتیگ لە پارێزگای بەسرە.
سەرچەوەگە ئەرا ئاژانس شەفەق نیوز وت: یەک کەس لە مرافەیگ لەوەر رووداویگ هاتووچو لە حەی زەیتوون وە گولە زەخمدار بوی ، و ئاماژە کرد ک تەقەکەرەگە وەرەو شوین نادیاریگ وای.
لە رووداویگ تر، سەرچەوەگە دیاری کرد ک سێ ماشین لە ناوچەی دوور زوبات لەناوڕاس پارێزگاگە لەوەر شۆرتیگ کارەبایی لە یەکیگ لە پایەیل کارەبا سزیان.
وتیش؛ تیمەیل وەرگری مەدەنی توێنستن ماشینەکان کپەو بکەن، دویای سزاننیان وەتەواوەتی، وەبی زەخمداربوینیگ.
هەر لیوا، دوێەتیگ لە تەمەن ١٩ ساڵان وە وایەر کارەبا لەناو ماڵەگەی خوەی لە پارێزگای بەسرە خوەی داگە سێدارە و خوەی کوشت.
سەرچەوەیگ لە پارێزگای بەسرە ئەرا ئاژانس شەفەق نیوز وت: هێزە ئەمنیەکان لێکۆڵینەوەیگ لە رووداوەگە کردنەو ئەرا زانستن هووکارەیل وهاندەرەیل خوەیکوشتن دوێەتەگە، ک هیمان تا ئی مەوقە نادیارن.
