بەسرە.. ئاگر گەورەیگ 6 پێشانگا لە بازاڕ سەفوان هاوسای کوێت سزنێد (وینە + ڤیدیۆ)
2026-09-23T13:34:32+00:00
شەفەق نیوز - بەسرە
ئاگر گەورەیگ، ئمڕوو چوارشەممە، لە بازاڕ و مەزاد سەفوان سنووری لە پارێزگای بەسرە لەوپەڕ باشوور عراق هیز گرد.
سەرچەوەیگ لە وەڕێوەبەرایەتی وەرگری شارستانی ئەرا ئاژانس شەفەق نیوز وت، کە ئاگرەگە لە شەش پێشانگای بازرگانی لەناو بازاڕەگە هیز گرد کە کەفێدە دەروازەی "سەفوان" سنووری ناودەوڵەتی هشکانی هاوسای دەوڵەت کوێت، تا تیمەیل ئاگرکپەوکردن دەسوەجێ دۊای وەرگردن خەوەرەگە دەس بکەنە ئۆپەراسیۆنەیل دەورگردن ئاگرەگە و ریگریکردن لە بڵاوبۊنی وەرەو شوینەیل دەورگردی.
سەرچەوەگە مدوو هەڵسیان ئاگرەگە ئەرا شۆرتیگ کارەبایی گلەو دا، وەپەی لێکۆڵینەوە سەرەتاییەیل، وە دووپاتکردن ئەوەگ رۊداوەگە تەنیا زەرەدەیل مادی لەی کەفتیەسەو بی تومارکردن هیچ زەخمدارییگ گیانی.
