بەرزەوبوین نرخ دۆلار وەگەرد بەسیان بۆرسەی بەغداد و هەولێر

بەرزەوبوین نرخ دۆلار وەگەرد بەسیان بۆرسەی بەغداد و هەولێر
2023-05-31T13:47:45+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.

 پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو لەبان نرخ ١٤٦٦٥٠ دینار عراقی وەرانوەر ١٠٠ دۆلار ئەمریکی دەری بەساد.

شەوەکی ئمڕوو، نرخ ١٠٠ دۆلار ئەمریکی رەسیە ١٤٦٤٠٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بو، ک نرخ فرووشتن ١٠٠ دۆلار ئەمریکی رەسیە ١٤٧٥٠٠ دینار عراقی، و نرخ سەنینی رەسیە ١٤٥٥٠٠ دینار عراقی. 

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٦٨٥٠ دینار عراقی، و نرخ سەنینی رەسیە ١٤٦٨٠٠ دینار عراقی.

 

Shafaq Live
Shafaq Live