بەرزەوبوین نرخ دۆلار لە بەغداد و هەولێر
2025-06-21T08:22:41+00:00
شەفەق نيوز/ نرخ دۆلار ئەمریکی وەرانوەر دینار عراقی، دویای نیمەڕوو ئمڕوو شەممە، لە بۆرسەی سەرەکی بەغداد پایتەخت و هەولێر بەرزەوبوی کاریگەربوی وە وەردەوەردەیل خوەرهەڵات ناوڕاس.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 144000 دینار عراقی وەرانوەر 100 دۆلار ئەمریکی پەنجشەممە، نرخ دۆلار رەسیە 143850 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتنی لە دوکانەیل بەغداد رەسیە 145000 دینار عراقی وەرانوەر 100 دۆلار ئەمریکی، و نرخ سەنینی رەسیە 143000 دینار.
لەهەولێر پایتەخت هەرێم کوردستانیش نرخ دۆلار بەرزەوبوی وەخوەیدی، کە نرخ فروشتن رەسیە 144200 عراقی وەراوەر 100 دۆڵار ئەمریکی، و نرخ سەنینی 143900 عراقی وەرانوەر 100 دۆلار ئەمریکی.
