بەرزەوبوین نرخ دۆلار لە بەغداد و ئارامگرتنی لە هەرێم کوردستان

شەفەق نیوز/ نرخ دۆلار، ئمڕوو پەنجشەممە، لە بۆرسەی سەرەکی  بەغداد بەرزەو بوی و لە  هەرێم کوردستان ئارام گرد.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٧٩٥٠ دینار وەرانوەر ١٠٠ دۆلار ئەمریکی تۆمار کردن. 

 دوێەکە چوارشەممە نرخ دۆلار لە بۆرسەگە رەسیە ١٤٧٨٥٠ دینار وەرانوەر ١٠٠ دۆلار ئەمریکی.

پەیامنێرەگەمان نشان دا ک نرخ فرووشتن و سەنەین لە دوکانەیل ئاڵشتکردن لە بازاڕە ناوخۆیلە بەرزەو بوی ک نرخ فرووشتن رەسیە ١٤٨٥٠٠ دینار، و نرخ سەنین رەسیە ١٤٧٥٠٠ دینار وەرانوەر ١٠٠ دۆلار ئەمریکی.

لە هەولێر پایتەخت هەرێم کوردستان نرخ دۆلار ئارامی  وەخوەی دی ک نرخ فرووشتن رەسیە ١٤٧٩٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٧٥٠٠ دینار وەرانوەر ١٠٠ دۆلار ئەمریکی.