بەرزەوبوین نرخ دۆلار لە بەغدا و هەولێر

شەفەق نيوزــ بەغداد/ هەولێر

نرخ دۆلار ئەمریکی وەرانوەر دینار عراقی،  ئمڕوو چوارشەممە،  لە بۆرسەی سەرەکی  بەغداد  پایتەخت بەرزەوبوی  و هەولێر بەرزەوبوی .

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت رەسیە 168,200  دینار عراقی وەرانوەر 100 دۆلار ئەمریکی.  رووژ سێشەممە  نرخ دۆلار رەسیە  167,900 دینار عراقی وەرانوەر 100 دۆلار ئەمریکی.     

پەیامنێڕمان وتیش؛ نرخ فروو‌شتنی لە دوکانەیل بەغداد  رەسیە 168,750 دینار عراقی وەرانوەر 100 دۆلار ئەمریکی، و نرخ سەنینی رەسیە 167,750.     

لەهەولێر پایتەخت  هەرێم کوردستانیش نرخ دۆلار بەرزەوبوی، کە نرخ فروشتن رەسیە 168,000 عراقی وەرانوەر 100 دۆڵار ئەمریکی، و نرخ سەنینی 167,900 عراقی وەرانوەر 100 دۆلار ئەمریکی.

‌