بەرزەوبوین کەمیگ ئەرا دۆلار لە بەغداد و هەرێم کوردستان

بەرزەوبوین کەمیگ ئەرا دۆلار لە بەغداد و هەرێم کوردستان
2021-05-19T07:29:10+00:00

 شەفەق نیوز/ نرخ دۆلار، ئمڕوو چوارشەممە، لە بۆرسەی سەرەکی لە بەغداد و هەرێم کوردستان، وەشیوەی کەمیگ بەرزەو بوی.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٨٦٥٠ دینار وەرانوەر ١٠٠ دۆلار ئەمریکی تۆمار کردن.

دوێەکە سێشەممە، نرخ دۆلار لە بۆرسەی سەرەکی کیفاح رەسیە ١٤٨٦٠٠ دینار عراقی.

پەیامنێرەگەمان نشان دا ک نرخەیل فرووشتن و سەنەین لە دوکانەیل ئاڵشتکردن لە بازاڕە ناوخۆیلە ئارام گرد ک نرخ فرووشتن رەسیە ١٤٩٠٠٠ دینار، و نرخ سەنین رەسیە ١٤٨٠٠٠ دینار وەرانوەر ١٠٠ دۆلار ئەمریکی.

لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٨٧٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٨٥٠٠ دینار وەرانوەر ١٠٠ دۆلار ئەمریکی.

Shafaq Live
Shafaq Live