بەرزەوبوین دۆلار لە بەغداد وەردەوامە و گەرد ئارامگردنی لە هەرێم کوردستان
شەفەق نیوز/ ئمڕوو پەنجشەممە ٧ کانون دوویەم ٢٠٢١ ، نرخ دۆلار لە بازاڕەگان بەغداد وەردەوام بوی لە بەرزەوبوین و لە هەرێم کوردستان ئارامگرد.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٤١٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە خود نرخەگە تۆمار کرد.
نرخ دۆلار لە ماوەی سێ رووژ گوزەیشتە، بەرزەوبوین وەخوەی دی، دویاتریان لە دوێەکە چوارشەممە بوی نرخ دۆلار لە بۆڕسەی کیفاح رەسیە ١٤٣٨٥٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد ئارامگرد ک نرخ فرووشتن رەسیە ١٤٥٠٠٠ دینار عراقی، ونرخ سەنین رەسیە ١٤٣٠٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٤٠٠٠ دینار وەرانوەر ١٠٠ دۆلار، و سەنین بویە ١٤٣٥٠٠ دینار وەرانوەر ١٠٠ دۆلار ئەمریکی.
