بەرزەوبوین دۆلار لە بەغداد و ئارامگردنی لە هەرێم کوردستان
شەفەق نیوز/ ئمڕوو سێشەممە ١٢ کانون دوویەم ٢٠٢١ ، ئەرا دوویەم رووژ لەشوون یەک، نرخ دۆلار لە بازاڕەگان بەغداد بەرزەوبوی، و لە هەرێم کوردستان ئارامگرد.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٣٥٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٣٥٠٠ دینار وەرانوەر ١٠٠ دۆلار تۆمار کرد.
دوێەکە دووشەممە، نرخ دۆلار لە بۆڕسەی کیفاح رەسیە ١٤٣٢٥٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش بەرزەو بوی ک نرخ فرووشتن رەسیە ١٤٤٥٠٠ دینار عراقی، ونرخ سەنین رەسیە ١٤٢٥٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٣٥٠٠ دینار وەرانوەر ١٠٠ دۆلار، و سەنین بویە ١٤٣٠٠٠ دینار وەرانوەر ١٠٠ دۆلار ئەمریکی.
