بەرزەوبوین خام ناوڕاس بەسرە 3.67 دۆلار لە مانگ ئاب
شەفەق نیوز ـ بەسرە
راپۆرت مانگانەی رێکخریاگ وڵاتەیل هەناردەکەر نەفت (ئۆپێک) ئەرا مانگ ئەیلوول 2026 نیشاندا خام ناوڕاس بەسڕە لە مانگ ئاب بەرزەوبویە، هاوکات وەگەرد بەرزەوبوین بڕیگ لە خامەیلجیهانی و خەلیجی، کە لەوەر خاسەوبوین خواست ئاسیا و رخداری دابینکاری و جویلەی بارکردن ناوچەگەبوی.
وەپای خشتی جویلەی نرخ خامەیل، کە ئاژانس شەفەق نیوز ئیسفایکرد نرخ خام ناوڕاس بەسرە لە78.37 دۆلار ئەرا هەر بەرمیلیگ لە تەمووز بەرزەوبوی ئەرا 82.04 دۆلار لە ئاب وە زیادەی مانگانەی رەسیە 3.67 دۆلار وە بڕ زیایبوین نزیکەی 4.68%.
وەبان بنەمای بەراورد ساڵانە خام ناوڕاس بەسرە لە سەرەتای ساڵ 2026 نزیکەی 90.11 دۆلار بوی ئەرا هەر بەرمیلیگ بەراورد وە هەمان ماوە لە ساڵ 2025 وە بڕ 19.05 دۆلار زیایکردیە، بەرزەوبوین ساڵانەی نزیکەی 26.81%.
لە بەراوردکردن وەگەرد خامەیل ناوچەگە، خام بەسرە ناوڕاس بەرزبوونیگ گەورەتر توومار کرد لە خام عەرەبی سوک کە نرخەگەی داوەزی وە بڕ 1.36 دۆلار، لە 87.88 ئەرا 86.52 دۆلار، هەمیش وەگەرد ئەوزەڵکردن خام کوەیتی تەنیا وە 0.76 دۆلار بەرزەو بوی.
خام دەوبەی وە بڕ 10.53 دۆلار بەرزەو بوی، لە 77.18 ئەرا 87.71 دۆلار، لە وەختیگ خام مۆربان 11.81 دۆلار بەرزەو بوی، لە 79.15 ئەرا 90.96 دۆلار.
زانیارییەیل نیشان دەن خام بەسرە ناوڕاس لە مانگ ئاب سوود لە بەرزبوین نرخەیل لە بازار نەفت وەرگردیە، باوجی لە خامەیل پەیمانی جویر برنت و دەوبەی و مۆربان کەمترە، وەگەرد پاراستن پێگەی لە ناو خامەیل ناوڕاس و قورس کە لە بازارەیل ئاسیایی ئالوگۆڕ کریەن.
