بەرزەوبۊن نرخ سەوزە لە بازاڕەیل سلێمانی
شەفەق نیوز/ بازاڕەیل شمەک و کاڵا و خواردەمەنی و سەوزە و میوە وە شیوەی وەرچەویگ لە بازاڕەیل سلێمانی بەرزەو بۊی، ک خەڵکەگەی زیان لە کەم داهاتی رووژانە وە خوەیان دۊینن، ئەوەیش لەوەر ئەوە ک بەغداد بەش هەرێم لە بوودجەی فیدراڵی وەتەوای کل نەکردگە.
هوزار محمد خانمیگە لە خەڵک سلێمانی، ئەرا ئاژانس شەفەق نیوز وت: نرخ سەوزەی سەرەکی لە تەماتە و خەیار و باینجان و ئاڵەت هالە بەرزەوبۊن وەگەرد بەرزەوبۊن نرخەیلی وەرانوەرنوەرز گوزەیشتە ک نرخەیلە وەگورەی خوازین خیزانەگە خاس بۊی.
لەلای خوەییش شێرکۆ ئەمین، ک لە بازاڕ سەوزەمەنی سلێمانی کار کەێد، وت: بەشیگ لە کاڵا و چشتەیلە لەوەر بڕی هووکار گرانەو بۊی، لەلیان ئەوەسە ک بەشیگ لە سەوزیەیلە هانە دۊیادۊیای وەرزیان، و هەمیش خەرج بەرهەمکردن لەبان کشاورزەگە زیایەو بۊیە، و ئەوسا لە ٢٥% زیاتر نەۊی، ک ێیسە هیلێد بەقاڵەگە قانجازەگەی زیای بکەێد تا وەگەرد خەرج کشاورزەگە بگونجیەێد.
حاجی ئەحمەد لەناو یەکیگ لە گەڕەکەیل سلێمانی بەقاڵی کەێد، ئەرا ئاژانس شەفەق نیوز ئۊشێد: خەرج بەرهەمکردن سەوزەی ناوخۆیی وەگورەی هاوردەگە بەرز نەۊی، لەوەر خەرجنەکردن شایستەیل کشاورزەیل لەلایەن حکومەت فیدراڵی، و هەمیش چۊنکە پاڵپشتی خاسیگ ئەرا کشاورزەگە لەلایەن حکومەت فیدراڵی و هەرێم نییە.
