بەرزەوبۊن مردنەیل و داوەزین تۊشهاتنەیل کۆڕۆنای عراق
2021-10-07T13:25:33+00:00
شەفەق نیوز/ تاقێگەیل پزشکی لە ماوەی ٢٤ ساعەت گوزەیشتە لە عراق، ٢٠٤٤ تۊشهاتن نوو وە ڤایرۆس کۆڕۆنا توومار کردن تا گشت شمارەی تۊشهاتنەیل پەتاگە بڕەسێدە ٢٠١٨٦٦٧.
وەزارەت تەندروسی و ژینگە لە بەیاننامەی هەڵوێست رووژانەی پەتای وت: ٣١٥٠ بیمار لە پەتاگە خاسەو بۊین تا گشت شمارەی خاسەوبۊیەیلە بڕەسێدە ١٩٣٥٢٧١.
وەگورەی بەیاننامەگە، ٣٣ بیمار لە ماوەی ٢٤ ساعەت گوزەیشتە لەوەر پەتاگە مردن، تا گشت شمارەی قوربانیەیل ڤایرۆسەگە بوودە ٢٢٤٧٢.
