بەرزەوبۊن خەرج نەفت ئەمریکی پەنجەرەیگ واز کەێد ئەرا زیایکردن دابینکردنەیل عراقی وەرەو ئاسیا

شەفەق نیوز - بەغداد

بازاڕەیل ئاسیایی رۊوەڕۊ بەرزەوبۊنیگ لە خەرج مسۆگەرکردن دابینکردنەیل نەفت خاو جیگر بوون، وەگەرد شیویان رەوانەیل خوەرهەڵات ناوڕاس، کە پەنابردن ئەرا ئەو نەفتە کە لە هەردگ ئەمریکا و ئەفریقیا تیەێد خەرجەیل بەرزتر چەسپنێد وە مدوو دریژی مەودا دەریاییەیل و بەرزەوبۊن کرای بارکردن و دڵنیایی و باجەیل بەندەرەیل.

 وەپای شیەوکردنیگ کە سەکوو پلاتس سەروە کۆمپانیای "ئێس ئاند پی گڵۆباڵ ئینێرجی" بڵاوی کردیە، ئەو نەفتە خاوە کە لە ناوچەیل دۊرەو تیەێد، وە تایبەت وڵاتە یەکگردگەیل ئەمریکا و ئەمریکای لاتینی و ئەفریقیا، جیگریگ کەم خەرج نییە ئەرا بسینەیل ئاسیایی، لەبان هەوەجە ئەرا فرەجۊرکردن سەرچەوەیل دابینکردنەیل.

داتایەیل کۆمپانیای نەفت نیشتمانی کۆری نشان دەن ئەرا ئەوەگ کۆریای باشوور، کە گەوراترین هاوردەکار ئاسیاییە ئەرا نەفت خاو ئەمریکی، ماوەی هەفت مانگ یەکەم لە ساڵەگە ناوەنجی 92.15 دۆلار ئەرا بەرمیلیگ داس لە وەرانوەر 148 مەلیۆن بەرمیل هاوردەکریاگ لە هەردگ ئەمریکا، وە وەراورد وەرد ناوەنجی 88.07 دۆلار ئەرا بەرمیلیگ لە وەرانوەر 348 مەلیۆن بەرمیل لە نەفت خوەرهەڵات ناوڕاس ماوەی خود وەختەگە.

 لەی باوەتەو، تۊنێد نەفت عراقی، وە تایبەت هەردگ خاو بەسرەی ناوەنجی و قورس، چۊ یەکیگ لە وژاردە هەرێمییە نزیکترەیل ئەرا بسینەیل ئاسیایی دەرکەفێد وە وەراورد وەرد ئەو دابینکردنەیلە کە لە وڵاتە یەکگردگەیل و هەردگ ئەمریکاوە تیەن، چۊنکە نزیکی جوگرافی عراق لە بازاڕەیل ئاسیایی، وە تایبەت لەڕی ریەیل هەناردەکردن باشوورەو، وە شیوەیگ ریژەیی لە قورسایی گەشتە دەریاییەیل کەمەو کەێد وە وەراورد وەرد ئەو بارەیلە کە لە زەریای ئەتڵەسیەو تیەن.

وەلی سوودوەرگردن عراقی لەی دەرفەتە وە بەسیای مینێدەو وە توانای عراق لەبان پارێزگاریکردن لە ئارامی هەناردەیل، و فەراهەمکردن بڕەیل رێک و پێک، و نرخداین خاوەیلی وە شیوەیگ رکابەری لە سای بەرزەوبۊن خەرج نەفت جیگیر و بارکردن جەهانی.