بەرزەوبۊن تۊشهاتن و مردنەیل کۆڕۆنای عراق
2021-09-30T13:22:14+00:00
شەفەق نیوز/ تاقێگەیل پزشکی لە ماوەی ٢٤ ساعەت گوزەیشتە لە عراق، بەرزەوبۊن لە تۊشهاتن و مردنەیل ڤایرۆس کۆڕۆنا توومار کردن.
دۊیەکە، عراق ٢٢٥٤ تۊشهاتن و ٣٤ مردن وە پەتاگە توومار کرد.
وەزارەت تەندروسی و ژینگەی عراق لە بەیاننامەیگ رەسیە ئاژانس شەفەق نیوز وت: لە ماوەی ٢٣ ساعەت گوزەیشتە، ٢٤٣٤ تۊشهاتن نوو توومار کرد تا گشت شمارەگە بڕەسێدە ٢٠٠٣٣٠٣.
بەیاننامەگە باس خاسەوبۊن ٣٤٩٧ بیمار لە پەتاگە کرد تا گشت شمارەی خاسەوبۊیەیلە بڕەسێدە ١٩١٠٩٠٨.
هەمیش ٣٩ بیمار لەوەر پەتاگە مردن تا گشت شمارەی مردنەیل بڕەسێدە ٢٢٢٦٠.
