بەرزەوبۊن تۊشهاتنەیل کۆڕۆنا وەگەرد هاتن ئۆمیکرۆن ئەرا ناو عراق
2022-01-06T14:23:58+00:00
شەفەق نیوز/ وەزارەت تەندروسی و ژینگەی عراق، ئمڕوو پەنجشەممە، بەرزەوبۊین لە شمارەی تۊیشبۊیەیل ڤایرۆس کۆڕۆنا لە ماوەی ٢٤ سەعات گوزەیشتە توومار کرد، وەگەرد ئاشکراکردن یەکەمین تۊشهاتن وە ئاڵشتبۊی ئۆمیکرۆن.
وەزارەت تەندروسی عراق لە بەیاننامەیگ رەسیە ئاژانس شەفەق نیوز وت: تۊشهاتنە نووەیلە رەسیە ٦٦٥، وەگەرد ٣ مردن، و هەمیش ٣٤٤ بیمار لە پەتاگە خاسەو بۊین.
دۊیەکە چوارشەممە، وەزارەت تەندروسی ٥١٦ تۊشهاتن و ٩ مردن و ٣٢٦ خاسەوبۊین توومار کرد.
ئی ئامار نووە، دۊیای چەن ساعاتیگ لە پشت راگەیانن وەزارەت تەندروسی تیەێد لە توومارکردن تۊشهاتنەیلیگ وە ئۆمیكرۆن لە بەغداد و هەرێم کوردستان.
