کازمی چەوی کەفێدە وەرپرسەیل ژمارەیگ لە کۆمپانیا بریتانیەگان
2020-10-23T08:08:19+00:00
شەفەق نیوز/ موستەفا کازمی سەرۆک وەزیران، لە سەردانەگەی ئەرا بریتانیا، چەوەی کەفتە وەرپرسەیل ژمارەیگ لە کۆمپانیا بریتانیەگان لە جوورا جور چین وکەرتەگان.
لە چەوپیکەفتنەگە، دووپاتکرد لە رک حکومەت عراق ئەرا دابینکردن زەمینەی گونجیاگ ئەرا کۆمپانیا بەرهەمهاورەگان لە گشت وڵاتەگە.
ودیاریکرد ک عراق ئمڕوو پلاندانەێد ئەرا کەپ کردن دەرفەتەیل بەرهەمهاوردن و فراوان کردنیان، لەسای خوازین وڵاتەگە ئەرا هاتن بەرهەمهاورەگان لە ژمارەیگ لە پڕوژە خزمەتگوزارییەگان و کەرتەگان، ک هیلن چەرخ ئابووری عراقی وەرەو نووا بچوود، و دەرفەتەیل زیاتر ئەرا کارکردن عراقیەگان دابین کەێد.
