کازمی پەیمان دەرفەتەیل کار ئەرا هەزاران لە بیکارەیل دەێدە نۆێنەرەیل دیالە
شەفەق نیوز/ نوێنەرەیل پارێزگای دیالە لە ئەنجومەن نوێنەران، ئمڕوو دووشەممە، داوای دانیشتنیگ ئەرا ئەنجومەن وەزیران لە بەعقوبە لە موستەفا کازمی سەرۆک وەزیران کردن ئەرا چەودیریکردن لە رەوش پارێزگاگە.
موزر مەعەن کروی نۆینەر پارێزگاگە ئەرا ئاژانس شەفەق نیوز وت: لە هەفتەی گوزەیشتە نۆینەرەیل پارێزگاگە وەگەرد موستەفا کازمی گردەو بوین ئەرا باسکردن باوەتە ئەمنیەگان و ئابووریەگان و پەیاکردن چارەسەریەیلیگ ریشەەی.
وتیش: نوێنەرەگان داواکارییگ دانە کازمی وە دانیشتنیگ فەرمی ئەرا ئەنجومەن وەزیران لە قەزای بەعقوبە ناوەند پارێزگای دیالە، و باس لە رەوشە ئەمنیەگە و گیرهاوردن چەک لەدەس دەوڵەت کردن، و ئاماژە کرد ک سەرۆک وەزیران پەیمان داگە نۆینەرەگان وە چەن بڕیاریگ ک بوونە پاڵپشتی ئەمن پارێزگاگە.
کروی وتیش؛ کۆبونەوەگە باس لە چەن باوەت گرنگیگ کرد، جوور بەرهەمهاوردن کێڵگەی گاز مەنسوریە ک دەرفەت ئەرا کارکردن هەزاران لە دەرچگەیل و بیکارەیل دابین کەێد، و هاوردنەوەی ئاوارەگان و ئاوەدانکردن ناوچەیلیان ودروسکردن دەسەیلیگ ئەرا تۆێژینەوەی باوەتە ئەمنیەگە لە پارێزگای دیالە.
