کازمی لە سلێمانیەو بانگوازکەێد ئەرا هووکارەبوین لە هەڵەیلیگ لە ریەگەی عراق دویای رمانن سەدام
شەفەق نیوز/موستەفا کازمی سەرۆک وەزیران، ئمڕوو جمعە، بانگوازکرد ئەرا سوودگردن لە هەڵەگان ک کەفتە ری کارە سیاسیەگە لە وڵاتەگە دویای کەفتن رژیم سەدام حسێن لە ساڵ ٢٠٠٣.
ئەویش لە چەوپیکەفتنەگەی وەگەرد بەرهەم ساڵح سەرۆک کۆمار هات لە سلیمانی، و لە سەردانەگەی ئەرا هەرێم کوردستان، وەگورەی بەیاننامەیگ لە نووسینگەی راگەیانن کازمی.
بەیاننامەگە وت: لە چەوپیکەفتنەگە باس کریا لە باوەتە گرنگەگان و سەختیەگان ئیسە، وهەمیش دویاترین ئامادەکردن وتەقەلاگان ئەرا وەجیهاوردن هەڵبژاردن پەرلەمانی.
بەیاننامەگە لە زوان کازمی لە وەخت چەوپیکەفتنەگە ک ژمارەیگ لە سەرکردە سیاسیە کوردەگان ئامادەی بوین وت: عراق ئمڕوو خاوەن دەرفەتیگ مێژوویە تا گشت تکەپاگان گوزەیشتە رەد بکەێد، ودەسبکەێدە بیناکردن ئابووری و سیستم وەڕێوبردنی وەشیوەیگ خاستر، وگونجیاگتر ئەرا بەرژەوەنی گشت عراقیەگان وە گشت جینەگانی.
سەرۆک ئەنجومەن وەزیران دیاریکرد ک ئی مەوقە بینا وپشتگردن خوازێد، وهووکارەبوین لەو هەڵەیلەگ کەفتنە لە ریەگەی بیناکردن عراق نوو لەدویای لەناوچگن دیکتاتۆرەگە.
لەلای خوەییش سەرۆک کۆمار وت: سیاسەت حکوەمەتەگە نشانەی رک گەورایگ دەێد لە بەرژەونی عراقیەگان لە گشت پارێزگاگان عراق، وخوەی کارکەێد ئەرا بتەوکردن سەروەری یاسا، وجەسپانن سام دەوڵەت، وبەرزەوکردن قسەی یاسا لەبان گشتی.
