کازمی یاد ئەنفال کورد و ری ئاشتی ئەرا عراق دیاری کەێد
شەفەق نیوز/ موستەفا کازمی سەرۆک وەزیران عراق، ئمڕوو چوارشەممە، بەیاننامەیگ وەبۆنی ساڵیاد هەڵمەتەیل ژینۆساید رژیم وەرین عراق دژوە کورد لە هەیشناکان سەدەی گوزەیشتە دەرکرد.
کازمی لە بەیاننامەیگ رەسیە ئاژانس شەفەق نیوز وت: ئمڕوو ٣٣ مین ساڵیاد هەڵمەتەیل رژیم وەرین دژوە گەل کوردمان رەد بوود، ک بویە هووکار کوشتن دەیان هەزار لە قوربانیەیل و بیسەروشوونکردن ژمارەیل گەورایگ لەلیان لە زیندانە تاریکیەلی، و داغانکردن سەدان لە ئاوایە کوردەیل و سەرگەردانکردن خەڵکەگەی، لە قومیاگ دڵتەزنیگ ک تیوڵ مرۆیی لەشەرمی تەڕ بوود.
وتیش؛ لەی مەوقە ک وە زیان وخەفەت یاد ئی بۆن زیاندارە کەیمن، وەگشت رێزیگ ئەرا شەهید و قوربانیەیل ئی تاوانە وسیەیمن.
کازمی وتیش: یادکردن ساڵانەی ئەوە خوەی هاندانیگە ئەرا گشت حکومەتەیل ئەرا کارکردن راسی لە نواگردن گلەوخواردن دیکتاتۆریەت وەهەر شیوەیگی، و رەتکردن هەرچەگ سیاسەتەیل دووچەوەکی و دویرەوخستن و وەپشتگووشخستن زنیەو بکەێد.
هەمیش وت: هەمیش یادکردن ئەو تاوانەیل وەحشیانە ک دژوە گەل عراق دووپات کەێد ک ریسگای دیموکراتی و چاکسازی و پێکەوەژیان خوەی رییگە ئەرا عراقیگ رووشن پڕ لە ئاشتی و دووسی، وتیش؛ یەکێتی وڵاتەگە و سەربەزی ژیان و یەکسانی خوەی ئامانج و بنەمای ئەوەس ک بیلێد عراق بوودە وڵاتیگ ئارام و وەهێزیگ وە گەل و خاکەگەی.
