پارێزگایگ عراقی تیەدەو ئەرا کەرەنتین و کەمەوکردن دەوام فەرمی ئەرا نواگردن کۆڕونا
شەفەق نیوز/ شانەی قەیران لە پارێزگای بابل، ئمڕوو یەکشەممە، بڕیار بەسانن پەرستگاگان و وسانن بۆنە کۆمەڵایەتیەگان وەگەرد کەمەوکردن دەوام فەرمی لە فەرمانگەیل پارێزگاگە ئەرا نیمە دا، ئەرا نواگردن لە بڵاوبوین کۆڤید-١٩، لە دویای هاتنەوەی بەرزەوبوین رێژەی تووشهاتنەگان وە ڤایڕۆس کۆڕۆنا وەشیوەی ئاشکرایگ لە عراق.
شانەگە ئی. بڕیارەیلە دەرکرد:
دەوام فەرمی لە گشت فەرمانگەیل پارێزگاگە بوودە ٥٠٪، و رەوانەکردن تیمەیل ئەرا ئەو مەکتەوەیلە ک تووشهاتن هاناویان، وقەیەغەکردن چگن ئەرا فەرمانگەگان وەبی وەکارهاوردن دەمامەک.
شانەگە جەخت کرد لە پابەندبوین مۆڵ و چێشتخانەگان وە گشت ریکارە مقەیەتیەگان.
هەمیش بڕیار بەسانن گشت مزگەفت و حسێنیەگان دا و هەمیش هۆڵەیل سویرەگان.
شانەگە ئاماژە وە دووارە وازکردن گشت هۆڵەیل پەتاگان لە قەزا و ناحیەگان دا، ک لە کەمەوبوین تووشهاتنەگان وە پەتاگە لە پارێزگاگە وەرجە نزیکەی دوو هەفتە بەسیان.
