پیایگ لە موسەنا دەسگیرکریا ژنەگەی خوەی لە بالکۆن ماڵەگەی وەخوارخستیە
شەفەق نیوز ـ موسەنا
فەرماندەیی پۆلیس موسەنا، ئمڕوو شەممە، دەسگیرکردن توومەتباریگ راگەیان کە ژنەگەی خوەی لە بالکۆن یەکیگ لە شوقەیل لە پارێزگاگە وەخوارخستیە.
وەپای بەیاننامەی فەرماندەیەگە کە رەسیە ئاژانس شەفەق نیوز، مەفرەزەیل بەش پاراستن خێزان و مناڵەیل لەدویای رەسین ئاگاداریگ لە خەستەحانەی فێرکاری لەباوەت رویوەرویبوین ژنیگ وە دەسدرویژی و تونوتیژی خێزانی وە لایەن شویەگەی.
پۆلیس دووپاتکرد، کەمتر لە یەک چارەک ساعەت توەنریا توومەتبار دەسگیربکرێد و رێکارەیل یاسایی پێویست وەگەردی بگیرێدەوەر ئەرا لێکۆڵینەوە کلبکرێدە لایەنەیل پەیوەنیدار.
هەمیش لە پارێزگای موسەنا وەڕێوەبەرایەتی وەرگیری شارستانی کۆنترۆلکردن ئاگریگ راگەیان کە لەناو پەمپ بانزین و کپەوکردنی وە وەختیگ پەیمانەیی، دەسوەردان خێرا و پیشەیی هیشت ئاگر ئەرا ئەمارەیل ترەک سزەمەنی و وێستگەیل نزیک درویژەونەوود .
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز دیاریکرد، زەردەگە لە زەرد مادی سووک سنوورداربویە.
