پەیاکردن حەشارگەیگ لە کویەیل حەمرین و کوشتن تیرۆریستیگ لە کەرکوک.. وینە
شەفەق نیوز/ پۆلیس فیدراڵی، ئمڕوو شەممە، خەوەردا لە تیرۆریستیگ کوشتیە، تەقەلای پالامارداین خەڵکەگە و هیزەیل ئەمنی دایە لە پارێزگای کەرکوک.
لە بەیاننامەیگ رەسیە ئاژانس شەفەق نیوز وت: هیزیگ لە فیرقەی پەنەجەم پۆلیس فیدراڵی وە هاوبەشی مەفرەزەیگ لە هەواڵگری سەروە وەزارەت ناوخۆ، توەنست تیرۆریستیگ لە ناوچەی غێدە سەروە قەزای داقوق لە پارێزگای کەرکوک بکوشێد.
دیاری کرد ک ئۆپراسیۆنەگە وە جیوەجیکردن کوڵەگردن شەوانە ورەوانگەی جویلەی یەکیگ لە ئەندامەیل تیرۆری هات، ک مەوقەی تەقەلای تەقەکردن وەرەو مەفرەزەیل کوشیا.
لەلای خوەییش شانەی راگەیانن ئەمنی، لە بەیاننامەیگ رەسیە ئاژانس شەفەق نیوز وت: رەوانگەی وەردەوام ئەرا حەشارگەیل چەتەیل تیرۆر، زانیاری هەواڵگری گرنگیگ خستە دەس دەزگا ئەمنیەیلە، ک دەزگای هەواڵگری نیشتمانی زانیاریەیل هویردیگ لە حەشارگەیگ تیرۆریستەیل لە زنجیرەی کویەیل حەمرین لە ئۆپراسیۆنەیل سەڵاحەدین کەفتە دەس.
وتیش: فڕۆکەوانی هیز ئاسمانی، گورزیگ ئاسمانی لەبان ئەو حەشارگە جیوەجی کرد، وە هەماهەنگی و هاوکاری وەرد شانەی ئامانجکردن لە فەرماندەیی ئۆپراسیۆنەیل هاوبەش، و هیزیگ لە فەرماندەیی ئۆپراسیۆنەیل سەڵاحەدین ئەرا وەشکین شیونەگە دەرچگ.
