پەیاکردن تەقەمەنی لە وەردەم فەرمانگەیگ حکومی لە ناسریە
2022-12-22T07:43:10+00:00
شەفەق نیوز/ سەرچەوەیگ ئەمنی لە زیقار، ئمڕوو پەنجشەممە، خەوەردا لە پەیاکردن تەقەمەنی لە نزیک فەرمانگەیگ حکومی لە شار ناسریە ناوەند پارێزگاگە.
سەرچەوەگە وە ئاژانس شەفەق نیوز خەوەردا، تەنیگ نامۆ پەیاکردنە لەژیر ماشینگ لە جویر دۆرنگۆ نزیک فەرمانگەی ئاوەرۆی مەنسوریە لە ناسریە، دیاریکرد مەفرەزەی دژە تەقەمەنی و بەڵگەی تاوان، و k9 و وەڕێەوبەرایەتی هەواڵگێری و دژە تیرۆر زیقار رویکردنەس شوین رویداوەگە.
سەرچەوەگە ئاشکەرایکرد، دەرچگە تەنە نامۆگە بریتین لە دوو بۆمب دەس پەلامارداین ک وەیەکەو بەسیاوین، دووپاتکرد هەڵگیریانە و کاریگەریەگەیان پویچەوکریایە وەلایەن پسپۆرەیل تەقەمەنی.
