پەیاکردن تەرمیگ و مردن دویەتیگ وە کارەبا لە زیقار

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە پەیاکردن تەرمیگ نەناسریاگ لە شار ناسریە، و مردن دویەتیگ وە تەزیان کارەبا باشوور پارێزگاگە.

سەرچەوەگە ئەرا ئاژانس شەفەق نیوز وت: هیزیگ ئەمنی تەرم گەنجیگ نەناسریاگ لەبان ئاو چەم فورات لە ناوچەی سۆب شامیە ناوڕاس شار ناسریە پەیا کرد، وتیش: لێکۆڵینەوەی سەرەتایی نشان دەێد ک تەرمەگە یە ماوەیگە مردیە.

سەرچەوەگە وتیش: تەرم گەنجەگە ئەرا پزشک دادوەری بریا ئەرا رەسین وە بندروس مردنی.

هەرلیوا، دویەتیگ لە تەمەن ٢٤ ساڵان، لە قەزای سوق شیوخ باشوور پارێزگای زیقار لە ئەنجام تەزیانی وە کارەبا وە ماتوور ئاو ماڵەگەی گیانی لەدەسدا.