پەیاکردن تەرمیگ و دەسگیرکردن تیرۆرستیگ لە زیقار و بابل
2021-06-30T08:41:59+00:00
شەفەق نیوز/ سەرچەوەیگ پزشکی و شانەی راگەیانن ئەمنی، ئمڕوو چوارشەممە، خەوەردان لە پەیاکردن تەرمیگ و دەسگیرکردن تیرۆرستیگ لە زیقار و بەغداد.
سەرچەوە پزشکیەگە ئەرا ئاژانس شەفەق نیوز وت: رانندەی ماشینیگ ساڵۆن، لە مەوقەی رەسینە وەرەو ناو ناسریە، تەرم گەنجیگ تلان وە چەقو کوشیاگە، ک تەرمەگەی لەبان جادەی گشتی فڕە دریاگە.
سەرچەوەگە دیاری کرد ک رانندەگە تەرم گەنجەگە وەرەو پزشک دادوەری برد.
شانەی راگەیانن ئەمنی لە بەیاننامەیگ وت: لە رەنجەیل هەواڵگری و وەشوینکەفتن شانە خەفتگەیل، مەفرەزیل ئازانس هەواڵگری و لێکۆڵینەوەیل فیدڕاڵی لە وەزارت ناوخۆ توێنستن حەشارگەیگ ئەرا تیرۆرستەیل و هەتاکو و ٦ بومب دانریاگ و ٣ پیشتن و گولەی هاوەن و تەقەمەنی و پەرتوکەیل هاندان توندڕەوەی پەیا بکەن.
