پەیاکردن تەرم گەنج کوشیاییگ لە دیالە
2021-09-25T09:34:08+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە خ خەوەردا لە پەیاکردن تەرم گەنج کوشیاییگ لە قەزای خاڵس.
سەرچەوەگە ئەرا ئاژانس شەفەق نیوز وت: تەرم ئەو گەنجە ک دەزگا ئەمنیەیلە لە دەر ماڵەگەی خوەی لە گەڕەک علێبات پەیای کردن، شۊن گولە وەپیەو بۊی.
سەرچەوەگە وتیش؛ هێزە ئەمنییەیلە لێکۆڵینەوە ئەرا ئاشکراکردن ووردەکاریەیل رووداوەگە واز کردن، ک شایەت لەوەر تاوانی یا تووڵەسەنین بۊیە.
